नवलपुर जेसिज बर्ष २०१४ को कार्यसमितिलाई आज पदस्थापन

नवलपरासी, १८ माघ ।
नवलपुर जेसिज बर्ष २०१४ को कार्यसमितिलाई पदस्थापन गरिएको छ । केही हप्ता अगाडि भएको अधिवेशनबाट निर्वाचित नयां कार्यसमितिलाई आज पदस्थापन गरिएको हो ।
नवलपुर जेसिज २०१३ को अध्यक्ष ओमप्रकाश पाण्डेको अध्यक्षतामा भएको कार्यक्रम समाजसेवी विष्णु पौडेलको प्रमुख आतिथ्यतामा भएको थियो । कार्यक्रममा नेपाली कांग्रेस नवलपरासीका सचिव विष्णु लामिछाने, नेकपा एमाले नवलपरासीका अध्यक्ष तिलक महत, एकीकृत नेकपा माओवादीका मोति रिजाल, राप्रपा नेपालका सीता बस्याल, संघीय सद्भावना पार्टी नवलपरासीका सचिव मीनबहादुर लामा लगायतले बोल्नुभएको थियो । २०१३ का अध्यक्ष ओमप्रकाश पौडेलले २०१४ का अध्यक्ष हरि खनालको अध्यक्षतामा निर्वाचित समितिलाई पदहस्तान्तरण गर्नुभएको थियो । पदहस्तान्तरण पछि अध्यक्ष खनालले महासचिवमा सागर पोख्रेल, कोषाध्यक्षमा बालकृष्ण घिमिरे, कानुनी सल्लाहाकारमा भरत गिरी लगायतलाई मनोनित समेत गर्नुभएको थियो । २०१३ का महासचिव राधा उपाध्यायको सञ्चालनमा भएको कार्यक्रममा अतिथिहरुलाई मायाको चिनो समेत प्रदान गरिएको थियो ।